MAORI312-23X (TGA)
Te Reo Māori: Advanced 2
15 Points
Staff
Convenor(s)
Ngairo Eruera
3537
TCBD.4.03F
ngairo.eruera@waikato.ac.nz
|
Librarian(s)
You can contact staff by:
- Calling +64 7 838 4466 select option 1, then enter the extension.
-
Extensions starting with 4, 5, 9 or 3 can also be direct dialled:
- For extensions starting with 4: dial +64 7 838 extension.
- For extensions starting with 5: dial +64 7 858 extension.
- For extensions starting with 9: dial +64 7 837 extension.
- For extensions starting with 3: dial +64 7 2620 + the last 3 digits of the extension e.g. 3123 = +64 7 262 0123.
What this paper is about
Ko te kaupapa o tēnei pepa he whakawhānui, he whakapīpipi, he whakapakari i te taha kōrero, whakarongo, pānui, tuhituhi hoki. Katoa ngā āhuatanga o tēnei o ngā whakaakoranga kei te reo Māori. Ki te whakapau te tangata i ōna kaha ki ēnei whakaritenga, ka nui ake te āhei o te tangata ki te:
1. whakapuaki whakaaro ā waha, ā tuhituhi hoki, ahakoa he aha te kaupapa.
2. whakarongo, pānui, whakamārama i ngā kōrero a te tangata ahakoa ko wai, ahakoa nō hea.
3. whakawhānui i tana kete kīwaha, kīrehu, whakataukī me te kupu whakarite.
Koia tēnei te whānuitanga o te kaupapa ake o tēnei pepa. Kāti, kia whakawhāitihia iho; ka whāngaia koutou ki te kaipukahu o te kīanga, o te kīwaha o te kīrehu, o te kupu whakarite tae atu ki te whakataukī mā roto mai i ngā mahi mātakitaki, ngā mahi whakarongo me ngā mahi ā tuhi. Tērā anō ngā whakahahakitanga o ngā rerenga kōrero kua ākona e koutou. Ā, e ākona anōtia koutou ki ngā rerenga hou o tēnei taumata, o tēnei paekura. Tērā anō koutou ka ākona ki te waiata tangi, ki te mōteatea, ki te patere hoki.
I kō atu i ēnei, ka hiki tātou i te Tūrei o te wiki tuawhā ki roto o Whakaue ki tai ki tētahi o ōna marae ki a Tāpiti, ka ākona ai ki ngā hitōria o tērā marae, ki ētahi o ōna pepehatanga kōrero, tae atu ki te nohonga tahi ki ngā whānau o ngā tauira. Ka hari haerehia tātou ki ētahi o ōna wāhi tapu, ki ētahi o ōna wāhi motuhake. Koia ēnei ko ngā kaupapa o tēnei taumata.
How this paper will be taught
Ka whai atu tēnei pepa i te MAORI311-23X, heoti, ko tā tēnei pepa, he whakahōhonu i te kete kīwaha, i te kīanga, i te whakataukī, he whakaniwa anō hoki i ngā takotoranga reo kua ākona i roto i te tau, ā, he ako anō hoki i ētahi rerenga hou. E whā wiki tōna roa, ngāhuru mā rima piro te uara. Kei ngā kōawa e rua tātou mō te wiki tuatahi ki te wiki tuawhā.
Ko te wiki tuatahi, ka noho tātou ki te akomanga ki te rautaki i te reo hei a 2024. Ko te wiki tuarua, ka whakawhiti mai i te akomanga ki te marae ki Maungatapu ki te manaaki i a Te Tohu Paetahi, ki ētahi wāhi tapu hoki hei heri atu i a rātou.
Ka mutu, ko te reo Māori te reo kōrero i ngā kauhau me ngā akoranga whakaturuki. Kei ngā kauhau o ia rā koutou kuhuna ai ki ngā mahi mātakitaki, ki ngā mahi whakarongo, ki ngā mahi whakahahaki me ngā rerenga hou, ka titiro motuhaketia ngā whakataukī, ngā kīwaha me ngā kupu whakarite. Tā ngā ahiahi, he whakatepetepe i ngā mahi, he whakaū, he whakahahaki.
Ka kawea ngā akoranga i ngā Mane, Tūrei, Wenerei me ngā Tāite mai i te 9 karaka i te ata ki te 3 karaka i te ahiahi. Tā ngā Paraire o ngā wiki tuatahi e toru, he aromatawai. Ka tae ianā ki te wiki tuawhā, ka whakamātautauhia koutou i te Mane, ka hiki papa ā Tūrei ki tā tātou noho marae ki Maketū. Ki rō akomanga rawa te whānuitanga atu o ēnei whakamārama mō tēnei haerenga a tātou. Heoti, ko te marae ko Maungatapu. Tērā tātou ka noho ai ki reira mai i te Tūrei ki te ata o te Taite. Ko te whakaaro ia kia whakarērena te marae i te takiwā o te 11 karaka i te ata o te Taite ka tatū mai ai ki roto o Tauranga i te takiwā o te 12 karaka i te ahiahi o te Taite.
Required Readings
Learning Outcomes
Students who successfully complete the course should be able to:
Assessments
How you will be assessed
Kōrero ā-waha 1 - He rau mahara (15%)
Whakamātautau Poto 1 (15%)
Kōrero ā-waha 2 - Kaupapa Kaiako (20%)
Whakamātautau Poto 2 (15%)
Kōrero ā-waha 3 - Karakia, Mihimihi (15%)
Kōrero ā-waha 4 - Kōrero Marae (20%)
The internal assessment/exam ratio (as stated in the University Calendar) is 100:0. There is no final exam.